تاند ( دوشنبه، د ثور ۶مه) د هند د سوداګریز لیګ یا ( آی پي ایل) ۲۰مه لوبه د سنرایزرز حیدراباد او ډیلي کاپیټلز ترمنځ ترسره شوه.
په دې لوبه کې ډيلي پچه وګټله او لومړی یې توپ وهنه وکړه.
ډیلي کاپیټلز په ټاکلو ۲۰ اورونو کې د ۴ لوبغاړو په سوځېدو ۱۵۹ منډې وکړې.
پریتوي شاو ۵۳، ریشب پانټ ۳۷، سټیو سمیت ۳۴ ناسوځېدلې او شیکر دهون ۲۸ منډې وکړې.
حیدرآبادلپاره سدهارت کول ۲ او راشد خان ۱ لوبغاړی وسوځاوه.
د راشد اړوند حیدر آباد لوبډلې په ټاکلو ۲۰ اورونو کې د ۷ لوبغاړو په سوځېدو ۱۵۹ منډې وکړې او لوبه یې مساوي کړه.
کین ویلیمسن ۶۶ ناسوځېدلې او جوني بیریسټو ۳۸ منډې وکړې. او دغه راز بیا ډیلي لپاره اویش خان ۳ او اکشر پټیل ۲ لوبغاړي وسوځول.
په سوپر کې اور سنرایزر حیدراباد ۷ منډې جوړې کړې، چې مقابلې لوبډلې هم په ډېرو ستونزو د اور په وروستي توپ هدف پوره کړ او لوبه یې وګټله.