تاند ( جمعه ، د ثور ۳) د پاکستان او زمبابوې کرکټ ملي لوبډلو ترمنځ دوهمه شل اوره لوبه زمبابوې لوبدلې د ۱۹ منډو په توپير وګټله.
په دې لوبه کې کوربه زمبابوې لومړی توپ وهنه وکړه او پاکستانۍ لوبډلې ته یې د ۱۱۸ منډو کوچنی هدف ورکړ.
زمبابوې لپاره کامون هکوموي تر ټولو ډېرې ۳۴ منډې وکړې.
پاکستان لپاره محمد حسنین او دانش عزیزي بیا ۲ ـ ۲ لوبغاړي وسوځول.
پاکستانۍ لوبډلې ټاکل شوی هدف پوره نه شو کړای او د ټولو لوبغاړو په سوځېدو یې یوآځې ۹۹ منډې وکړې.
پاکستان لپاره بابراعظم ۴۴ تر نورو ډېرې منډې وکړې.
زمبابوې له لوري لک جانوي ۴ او راین برل بیا ۲ پاکستاني لوبغاړي وسوځول.
له دې وړاندې په لومړۍ شل اوره لوبه کې پاکستان زمبابوې ته ماتې ورکړې وه.