تاند- د اډوبي شرکت موسس او د پي ډي ایف مخترع چارلس ګیچې د ۸۱ کلونو په عمر مړ شو.
ګیچې او جان وارناک په ۱۹۸۲ م کال اډوبي کمپنۍ جوړه کړه. دی د ۲۰۲۰ کال تر اپریل پورې د دې کمپنۍ د مشرتابه پلاوي یو غړی و.
ګسچې د وارناک په همکارۍ په اډوبي کمپنۍ کې یو داسې نرمکالی جوړ کړ چې د انسانانو ترمنځ د اړیکو د ټینګښت طریقه یې بدله کړه.
دوی نه یوازې د پي ډي ایف PDF فورمټ جوړ کړ بلکې په دې هم مشهوره شوي چې Post Script یې اختراع کړی دی.
په ۱۹۹۳ م کال دا پلیټفارمونه خورا مهمې اختراعوې ګڼل کېدې. له هماغه وخته له دغو فورمټونو په بېلابېلو برخو کې ډېر کار اخیستل کېږي.
په ۲۰۰۹ م کال د امریکا د هماغه وخت ولسمشر بارک اوباما ګسچې او وارناک ته د اختراع او ټکنالوژۍ ملي میډال ورکړ.
چارلس ګسچې د اپریل په شپاړسمه مړ شو.