تاند( پنج شنبه، د حمل ۵) پاکستان یو ځل بیا پر کونړ توغندي توغولي دي.
امنیتي سرچینې وایي د دې توغندیو په پایله کې یوتن وژل شوی او یو تن بل بیا ټپي شوی دی.
سرچینې وایي دا توغندي بریدونه پنج شنبه غرمه مهال د کونړ پر سرکاڼو ولسوالۍ شوي دي.
د کونړ ځایي چارواکو تر اوسه په دې اړه څه نه دي ویلي.
د یادونې ده چې پاکستان تر دې وړاندې هم د کونړ او ننګرهار پر یو شمېر سرحدي ولسوالیو ورته بریدونه کړي او ملکي خلکو ته یې مرګ ژوبله اړولې ده.
خو د افغان دولت له لوري د څېړلو تر خبرې وروسته یې نور بیا پوښتنه نه ده شوې.
د خلکو په باور په دې برخه کې د افغان دولت چپ پاتې کېدل به پاکستان لا غښتلی کړی او هر کله چې یې زړه وغواړي پر افغان خاوره توغندي راتوغوي.
که څه هم د کونړ چارواکو تر اوسه په دې اړه تازه غبرګون نه دی ښودلی خو څو ورځې وړاندې یې ویلي وو که پاکستان پر دوی برید وکړي نو باالمثله ځواب به ورکړي.