تاند ( پنج شنبه؛ د حمل ۵) ټاکل شوې چې د نیوزیلینډ او اسټرالیا ښځېنه کرکټ ملي لوبډلو تر منځ د درې شل اوریزو او درې یوورځنيو سیالیو لوبلړۍ پيل شي.
دا لوبلړۍ د مارچ په ۲۸مه نېټه ،راتلونکې یک شنبه پیلېږي.
د یادو دواړو لوبډلو ترمنځ به لومړی د شل اوریزو سیالیو لوبلړۍ ترسره شي.
د شل اوره لوبلړۍ لومړۍ سیالۍ به يې د مارچ میاشتې په ۲۸مه دوهمه يې په ۳۰مه او وروستۍ هغه يې بیا د اپریل په لومړۍ نېټه تر سره کیږي.
له دغو سیالیو وروسته به د دواړو لوبډلو تر منځ د درېو پنځوس اوریزو سیالیو لړۍ پیل شي، چې لومړۍ سیالۍ به يې د اپریل په ۴مه دوهمه يې په ۷مه او وروستۍ هغه يې بیا په ۱۰مه نېټه تر سره کیږي.
د یادونې ده، چې دواړو لوبډلو یادو سیالیو ته پوره چمتو والی ښودلی دی.