تاند ( یک شنبه، د حوت ۲۴) د آزادې مبارزې پياوړي افغان لوبغاړي نصرت حقپرست خپل مکسيکويي سيال رفا ګارسيا ته ماته ورکړه.
دا لوبه تېره شپه شاوخوا ۳ نیمې بجې ترسره شوه.
په “يو ايف سي” سازمان کې حقپرست د لوبې دريو راونډونو يا پړاوونو څخه وروسته د ډېرو امتيازونو اخيستلو له مخې رفا ګارسيا ته ماته ورکړه.
د معلوماتو له مخې د حقپرست سیال رفا ګارسیا تر دا مهاله هیڅ ماته نه درلوده.
دا د نصرت حقپرست دیارلسمه بریا ده چې په خپل نوم یې ثبتوي.
په ټولنیزه مېډيا کې هم د دغې بریا مبارکیانې لر او بر کېږي او دا ستر ویاړ بلل شوی دی.
د یادونې ده چې له دې وړاندې یو بل د سوک وهنې افغان لوبغاړي عبدالعظیم بدخشي د آزادو سیالیو په یوه لوبه کې خپل اذربایجاني سیال ته ماتې ورکړې وه.