تاند ( شنبه، د حوت ۱۶) سريلانکا په دوهمه نړيواله شل اوريزه لوبه وېسټ انډیز ته ماته ورکړه.
د لوبې پيل کې سريلانکا پچه وګټله او لومړى يې توپوهنه غوره کړه.
سريلانکا په ټاکلو ٢٠ اورونو کې د ٦ لوبغاړو په سوځېدو ١٦٠ منډې وکړې.
دنوشکا ګونتاليکا ٥٦، پاتوم نسانکا ٣٧ او اشين بندارا ٢١ منډې وکړې.
ويسټ انډيز ټاکل شوی هدف پوره نه کړ او لوبه یې یې د ٤٣ منډو په توپير وبایلله.
اوبيد مک کاى ٢٣، لينډل سيمونس ٢١، کريس ګيل ١٦ او کيرون پولارډ ١٣ منډې وکړې.
د سريلانکا له خوا ډي سلوا او لکشن سنداکان ښه توپ اچونه ترسره کړه چې ٣-٣ لوبغاړي يې وسوځول.
د لوبې غوره لوبغاړی ډي سلوا وټاکل شو.
د يادولو وړ ده چې د یادو دواړو لوبډلو ترمنځ د ٣ نړيوالو شل اوريزو لوبو لړۍ کې لومړۍ لوبه ويسټ انډيز او دويمه سريلانکا وګټله.
د لوبلړۍ دريمه يا وروستۍ لوبه به د مارچ په ٨مه نېټه ترسره شي.