تاند ( چهارشنبه، د کب ۱۳) راپورونه وایي، د چین په پلازمېنه بیجینک کې د یوې میرمنې له کورونا رغېدو وروسته هم د وخت په تېرېدو سره ویښتان توییږي.
د راپورونو په حواله، دا پېښه ډاکټرانو هم تایيد کړی او وایي، یاده مېرمن اوس هېڅ د کورونا نښې نلري؛ مګر وېښتان یې رو رو په تویيدو دي.
د صحي لیسنټ مجلې د معلوماتو له مخې، د کرونا ناروغۍ سره د مېرمنو وېښتو توییدل هم شروع کیږي او تر ښه کېدو وروسته هم تر ډیرې مودې د دغې ستونزې له امله زوریږي.
راپور کاږي، پدې څېړنه کې ۶۵۵ ناروغان څېړل شوي چې هر ۶ میاشتې وروسته یې د وینې معاینات کیږي او لا هم د دوی وېښتان ندي رغیدلي.
راپور زیاتوي، کوېډ ۱۹ ناروغي څخه دا مېرمن شپږ میاشتې وړاندې بېرته رغېدلې؛ خو وایي اوس هم د وېښتو له توییدو شکایت کوي.
راپور د ډاکټرانو له قوله وایي، د تبې او ځینې نورو ناروغیو په وخت کې د وېښتانو توییدل عادي خبره ده او د وخت په تېرېدو سره بېرته ښه کیږي.