تاند ( دوشنبه، د کب ۱۱) د بالیووډ سینما مشهورې اداکارې عاليه بټ خپلو مینوالو ته د خپل پروډکشن د پرانیستې او نوي فلم د جوړېدو خبر ورکړ ی دی.
د هندي رسنیو د راپورونو له مخې، د عالیه بټ نوی فلم چې (ډارلینګز) نومېږي چې راتلونکي کې به بازار ته وړاندې شي.
د راپورونو په حواله، نوموړې د خپل نوي پروډکشن چې ايټرنل سن شاين پروډکشنز یې نومولی او د شاه رخ خان د پروډکشن په همکارۍ جوړېږي خبر ورکړی دی.
عالیه بټ د خپل نوي فلم ډارلنګز د یوې ویډیو په خپرولو سره خوښي څرګنده کړې او ویلي یې دي : د یوې پروډیوسرې په توګه یې دا لمړی فلم دی چې د شاه رخ د پروډکشن په مرسته یې جوړوي .
هغې دغه راز زیاته کړې چې د فلم کیسه یې ډېره ښکلې ده او خوشحاله ده چې یاد فلم کې مرکزي اداکارې رول لوبوي.
له نوموړې سره په دغه فلم کې شيفالي شاه، ويجى ورما او روشن ميتيو هم کار کوي.
عالیه بټ د بالیووډ سینما ځوانه تکړه اداکاره ده، له دې وړاندې یې هم په ډېر شمېر فلمونو کې کار کړی چې د مینوالو له تود هر کلي سره مخ شوي.