①نظام:
سیستم+ قانون. یانې چې نظام د یو هېواد په داخل کې د سیستم او قانون څخه عبارت دی.
②دولت:
دولت هغه ارګان دی چې د ټولنیز نظم د تنظیم او د خلکو د هوسا ژوند جوړلو په موخه رامنځ ته شوی وي او د څلورو ځانګړو فکتورونو درلودونکی وي.
¹ نفوس.
² عالي حاکمیت.
³ قلمرو.
⁴ حکومت.
③حکومت:
حکومت په لغت کې حکم کولو او واک چلولو ته وایي خو په اصطلاح کې په درېیو بېلا بېلو معناوو کاریږي.
¹ واکمنان یا واک چلوونکي: په دي معنا کې حکومت هغه شخص یا اشخاصو ته اشاره کوي چې د واک چلونې عمل تر سره کوي.
² اجرایوي ځواک: په دې معنا کې حکومت د نورو ځواکونو په مقابل کې یوازې پر اجرایوي ځواک اطلاق کیږې.
³ دري ګونې ځواکونه: په دې معنا کې حکومت د دولت درېګونو ځواکونو ته ویل کیږې لکه قضایه ځواک، اجرائیه ځواک او مقننه ځواک.
حکومت د دولت یو له تشکیلوونکو عناصرو دی، چې بې له حکومت څخه دولت نشي جوړیدای او هر دولت د ځانګړي حکومت درلودونکی دی.
یا هم حکومت د دولت اجرائیوي ارګان دی چې د دولت داخلي او بهرنۍ پالیسۍ پلي کوي.
همدارنګه په ټولنه کې د ټولو قوانینو پلي کول هم د حکومت دنده ده.