تاند ( پنج شنبه، د دلوې ۳۰) د سويلي افريقا د توپ اچونې الراونډر کريس موريس د آى پي ايل بولۍ کې په ٧٥ لکه هندي روپیو بولۍ ته وړاندې شو.
نوموړى د راجستان رايلز لوبډلې په ١٦ کروړه او ٢٥ لکه روپۍ واخيست.
کریس موریس د آى پي ايل په تاريخ کې تر ټولو ګران بيه لوبغاړى شو چې په بولۍ کې په لوړه بيه اخیستل کېږي.
کريس موريس د سويلي افريقا لپاره ٤ ټېسټ، ٤٢ نړيوالې يو ورځنۍ او ٢٣ نړيوالې شل اوريزې لوبې ترسره کړې دي.
همدا راز نوموړي ٢١٨ شل اوريزې لوبې هم ترسره کړي دي چې ٢٧٠ ويکټې يې ترلاسه کړې دي.
تېر ٢٠٢٠ کال کې نوموړى د رايل چېلنجرز بېنګلور لوبډلې لپاره لوبېدلى و.
د یادونې ده چې دې بولۍ ته ۷ افغان لوبغاړي هم شارټ لېست شوي چې تر دې دمه یواځې مجیب الرحمن ځدراڼ بولۍ ته وړاندې شوی خو کومې لوبډلې وا نخیست.