دا به د بشریت لپاره ننګ وی چی یو کس ( مثلاً افریقائی، افغان، یمنی، حتی خپله ځینی امریکائیان ) له لوږی کړیږی او بل بړوه بیا دومره ډالری ذخیره کړی دی.
دومره ډېره پانګه درلودل د غیر عادلانه او استعماری او حتی ظالمانه چلند زېږنده ده.

د غلام حضرت صاحب نظر ته په احترام زه فکر کوم چې د امریکا ملیاردران هغه کارونه کوي چې دولتونه یې نه شي کولی. مثلاً هر یوه سلګونو زرو خلکو ته کار پیدا کړی، هر یو له خپلو پیسو داسې کار اخلي چې دولتونه یې نه شي اخیستلی.
که په دې فکر وکړئ چې بیزوس یا بیل ګېټس به څومره مصرفوي، معلومه خبره ده چې یو تن یا یوه کورنۍ به څومره وخوري، څومره وڅښي او څومره سفرونه به وکړي. اما دوی د یوې ډیرې لویې ادارې په شان کار په یوازې سر کوي ځکه خو سرمایه دې حد ته رسېدلې ده.
بل همدغه بیزوس ملیاردونه ډالر په فضايي تحقیقاتو لګوي وايي چې انسان بالاخره باید په نورو کرو کې د ژوند لپاره ځای پیدا کړي په دې خاطر چې د کرې وضعیت په خرابیدو دی ممکن ډیره توده شي یا ډیرې سیمې اوبه لاندې کړي.
بیل ګېټس یوازې د افریقايي هیوادونو د بیوزلو خلکو د روغتیا خصوصاً واکسین لپاره ۵۰۰ میلیارد ډالره اختصاص کړي. دا ټول که په نظر کې ونیسئ د دوی کار تر دولتونو زیات دی. او داسې ښکاري چې په آینده کې به د دولتونو ځای کمپنۍ نیسي اوس یې هم نیولی دی. څوک چې د فیسبوک، مایکروسافټ، امازون. ګوګل … خوښ وي هغه واک ته رسېږي او پالیسۍ به د دوی له لوري ورته ټاکل کېږي. همدغه حالت په نورو هیوادونو کې هم دی.