تاند (دوشنبه د دلوې ۲۰) د پروان روغتیايي چارواکي وايي چې په دغه ولایت کې د یوې چاودنې له امله شپږو تنو ته مرګ ژوبله اوښتې ده.
ویل کېږي دغه چاودنه نن سهار په چاریکار ښار کې د پروان پوهنتون مخې ته د ملي امنیت د کارکوونکو پر موټر شوې.
د پروان د ملکي روغتون رییس عبدالقاسم سنګین وايي، د پېښې له ځایه تر اوسه یو جسد او پینځه ټپیان روغتون ته راوړل شوي دي.
نوموړی وايي ښايي د مرګ ژوبلې کچه لوړه شي.
تر اوسه ددغې پېښې مسؤلیت چا نه دی منلی.