تاند ( دوشنبه، د دلوې ۲۰) د ازادو سياليو اتل لوبغاړي احمد ولي هوتک له خپل برازیلي سیال سره سیالۍ ته د پوره چمتووالي ډاډ ورکړی.
هغه په خپلې فیسبوک پاڼې یو شمېر انځورونه خپاره کړي او ویلي یې دي چې د خپل برازيلي سيال سره سيالۍ ته مې بشپړ چمتووالی نیولی او پوره چمتو یم.
هوتک لیکلي: «ما ټوله خپله هڅه کړې چې وطن او ولس ته مې ویاړ وګټم او که مې نصیب نه وو، حداقل خپل ضمیر ته به مې نه یم پړ».
ټاکل شوې چې د احمد ولي هوتک او برازيلي لیونارډو باربوسا ترمنځ لوبه را روانه پنجشنبه په کابل کې ترسره شي.