تاند ( یک شنبه، د دلوې ۱۹) د ګوشتې ولسوالۍ ځایي اوسېدونکي وایي د پاکساني نظامیانو له توپچي بريدونو په تنګ راغلي.
دوی وایي پاکستاني نظامیانو یو ځل بیا پر دې ولسوالۍ توپچي بریدونه پیل کړي.
د سیمې اوسېدونکي وايي چې له نن سهار راهیسې پر خوږګاخېلو او لکړۍ سیمو باندې نهه توپونه راغلي دي او عام خلک یې سخت اندېښمن کړي دي.
د عامو خلکو په خبره که حکومت په دې اړه اقدام ونه کړي نو ډېری خلک به سیمې پرېښودو ته اړ شي.
نږدې پنځه ورځې وړاندې هم پاکستان په همدې سیمه باندې شاوخوا ۵۰ میزایل توغولي وو.
خلک وایي تراوسه چاته مالي او ځاني زیان دی اوښتی.
د ننګرهار ولایتي چارواکو په دې تړاو څه نه دي ویلي.
د یادونې ده چې پاکستاني پوځيانو تېره اونۍ د کونړ په سرحدي سیمو هم توغندي توغولي وي.