تاند ( شنبه، د دلوې ۱۸) د آسټرالیا په سودارګریز لیګ کې سيډني سېکسرز لوبډلې اتلولي وګټله.
د بېګ باش کرېکټ ليګ لسم پړاو پاي لوبه نن ترسره شوه.
په دې لوبه کې سيډني سېکسرز کرکټ لوبډلې ،پرت سکارچرز لوبډلې ته د ۲۷ منډو توپير ماته ورکړه.
دا دوهم ځل دی چې یاده لوبډله د دغه ليګ اتلولي ګټي.
په دې لوبه کې لومړی سيډني لوبډلې توپوهنه وکړه او په ټاکلو ۲۰ اورونو کې یې د شپږو لوبغاړو په سوځېدو ۱۸۸ منډې وکړې او مقابلې لوبډلې ته یې د ۱۸۹ منډو هدف ورکړ.
پرت سکارچرز لوبډلې ټاکل شوی هدف پوره نه کړ .
یادې لوبډلې په ټاکلو شلو اورونو کې د نهو لوبغاړو په سوځېدو یواځې ۱۶۱ منډې جوړې کړې او لوبه یې د ۲۷ منډو په توپير سيډني لوبډلې ته وبایلله.
د دې لوبې غوره لوبغاړی جېمز وینس ونومول شو.