تاند(یکشنبه، د دلوې ۱۸) پاکستاني چارواکي وايي، د نړیوالو پولیسو یا انټرپول د معلوماتو پر اساس یې دوه تنه د ماشومانو د لوڅو فلمونو له نړیوالې شبکې سره د لاس لرلو په شک نیولي دي.
د پاکستان فدرالي تحقیقاتي ادارې ایف آی اې وویل، دا دوه تنه د پنجاب ایالت په سالیکوټ ښار کې د نن سهار وختي په برید کې ونیول شول.
د پاکستان د فدرالي تحقیقاتي ادارې یوه چارواکي محمد اقبال وویل، دا لومړی ځل دی چې انټرپول په پاکستان کې د ماشومانو د لوڅو فلمونو د جوړولو په اړه معلومات ورکوي.
ده دا هم ویلي چې دوه تنه نور مشکوک کسان تښتېدلي دي.
په پاکستان کې لوڅ فلمونه، په تېره بیا د ماشومانو پورنوګرافي ډېره جوړېږي.
دا فلمونه د ځینو غیرقانوني ویبپاڼو له لارې، چې په اکثرو لوېدیځو هیوادونو کې بندې یا بلاک شوې دي، خپرېږي او لیدونکي یې له ځانګړو کوډونو څخه کار اخلي.