تاند ( دوشنبه، د دلوې ۱۳) د متحده عرب اماراتو لس اوره سوداګریزلیګ کې ناردرن واریرز لسمه لوبه په لوړ هدف وګټله.
دا لوبه د ناردرن واريرز او بنګله ټايګرز لوبډلو ترمنځ ترسره شوه.
د لوبې په پيل کې بنګله ټايګرز پچه وګټله او لومړى يې ناردرن واريرز ته د توپوهنې بلنه ورکړه.
ناردرن واريرز په ټاکلو ١٠ اورونو کې د ۴ لوبغاړو په سوځېدو ١۶٢ منډې وکړې.
په توپوهنه کې نيکولاس پوران ډېره چټکه توپوهنه ترسره کړه چې په ٢۶ توپونو يې ٨٩ منډې وکړې.
د پوران په توپوهنه کې ۱۲ شپږيزې او ۴ څلوریزې شاملې دي.
بنګله ټايګرز لپاره بيا کريم جنت ٢ مجيب الرحمن او قېس احمد ١-١ لوبغاړي سوځولي وو.
بنګله ټایګرز لوبډلې که څه هم ښه لوبه وکړه خو هدف یې ترلاسه نه کړ.
ټایګرز په ټاکلو لسو اورونو کې ۳ لوبغاړو په سوځېدو ۱۳۲ منډې وکړې او د ۳۰ منډو په توپیر يې لوبه وبایلله.
انډري فلیچر ۵۳ او چراغ سوري ۴۲ ناسوځېدلې منډې وکړې.
نېکولاس پورن د لوبې غوره لوبغای شو.