تاند ( دوشنبه، د دلوې ۶) د نړۍ مشهور فوټبالر کرسټیانو رونالډو په سیاحتي اعلانونو کې د ګډون لپاره د سعودي عربستان وړاندیز رد کړ.

بهرنیو رسنیو ویلي چې کرسټیانو رونالډو له لوري رد شوی دې وړانديز ۷.۲۵ میلیونو ډالره ارزښت درلود.

د رسنیو راپورونه وایي چې د هوکړې له مخې به رونالډو سعودي عربستان ته راته او انځورونه به یې په سیاحتي اعلانونو کې کارول کېدل.

رونالډو د فوټبال د نړۍ مشهور لوبغاړی دی چې په ټوله نړۍ کې مینه وال لري.

نوموړي څه موده وړاندې د یوې پېړۍ غوره فوټبالر جایزه هم ترلاسه کړه چې د معلوماتو له مخې تر دې دمه هېڅ فوټبالر نه ده ترلاسه کړې.