تاند ( چهارشنبه، د جدي ۱۷) د توکيو د المپيک سیالیو د ترسراوي کمېټه وایي چې دوی د را روانو المپيک سیالیو د ښې ساتنې په خاطر ۲۲۰ هکران روزي.
د یادې کمېتې مسوولان ډاډ ورکوي چې دوی به په دې سره وکولای شي د را روانو المپيک سیالیو پرمهال د سایبري بریدونو ښه مخنیوی وکړي.
سرچینه وایي چې دا هکران د نړۍ له معتبرو جاپاني شرکتونو لکهNippon ،Telegraph او Telephone څخه ټاکل کېږي.
د یادې کمېټې مسوولان وایي چې دا لوبې را روان اوړي کې ترسره کېږي.
دا په داسې حال کې ده چې څه موده وړاندې د المپیک نړیوالې کمېټې ویلي وو چې دغه لوبې به د ۲۰۲۱ کال د دوبي پورې وشي خو نوم به یې د توکیو د ۲۰۲۰ کال المپیک وي.
ټاکل شوې وه چې دا لوبې د ۲۰۲۰ کال د جولاۍ په ۲۴ د جاپان په توکیو ښار کې وشي خو د کورونا له امله دا لوبې ځنډېدلې دي.