تاند- لږترلږه ۱۲ مهم سریالونه، چې په هالیووډ کې پرې کار روان و، د کورونا وایرس د خپرېدو له کبله په ټپه درول شوي دي.
د وارنر وروڼو (وارنر برادرز) کمپنۍ د پنجشنبې په ورځ تایید کړه چې د (مه مه – ادې)، بي مثبت، او بې حیا په شان سریالونه یې، چې د سي بي ایس، نیټفلکس او شوټایم لپاره یې جوړول ځنډولي او ښايي په راتلونکو څو اوونیو کې هم پرې کار پیل نه کړي.
د وارنر وروڼو کمپنۍ ویلي چې د روانې جنورۍ په یوولسمه به وضعیت ته په کتو پرېکړه وکړي.
همداراز یونیورسل تلویزیون غواړي چې ۶ کومیډي سریالونه ودروي.
د ګڼو نورو فلمونو او سریالونو، چې تر کار لاندې وو، د جوړېدا چارې د کورونا د چټکې خپرېدا په خاطر درول شوې دي.
تېره اوونۍ په لاس انجلس کې، چې هالیووډ پکې دی، په یوه ورځ ۲۶۲ تنه د کورونا وبا له کبله مړه شول.