تاند (شنبه د جدي ۱۳) د کندهار والي حیات الله حیات د ولسمشر غني په امر له دندې ګوښه او پر ځای یې روح الله خان زاده د نوي والي په توګه وټاکل شو.
د سیمه ییزو ارګانونو خپلواکه اداره وايي چې دغه ټاکنه ددې ادارې په وړاندیز او د جمهوري ریاست د عالي مقام له لوري شوې ده.
روح الله خان زاده تر دې وړاندې په ولسي جرګه کې د کندهار د خلکو د استازي په توګه دنده تر سره کوله.
حیات الله حیات په ۱۳۹۷ کې د کندهار د والي په توګه وټاکل شو او تر دې د مخه یې د ننګرهار د والي په توګه دنده ترسره کوله.
تر دې وړاندې داسې راپورونه خپاره شوي و چې ښاغلی حیات د کورونا په بودیجه کې د اختلاس په تور لویې څارنوالۍ ته معرفي شوی دی.
خبره د والی خیانت ده او که د هغه د پولیسو د خیانت افشاګری؟ ګمان کولای سو چه دا به د هغه د پولیسو د فساد نه پرده پورته کول وی. د ارګ تیزرفتارو باید یوڅه تحقیق کړای وای او که د پولیسو فساد ثابت سوی نوای نو بیا یی باید والی له کاره ایستلای وای.
داسی مالومیږی د کندهار د پولیسو مشر ښه چالاکه کس دی چه فساد یی د جنګی جبهو د مقاومت په جامو پټ کړی او د ارګ عصبانیت یی راپارولی دی.