په ډالرو او يورو پلورل
د کلو او جمجمو،
پلورل،
د بدن د ټوټو،
پلورل،
– د وحشت په بازار کې –
د مينې پلورل،
په ډېرو لږو روپو،
( په څو ((ډالرو))،
او يوڅو ((يورو)) )
ورو ورو،
د خپل ځان پلورل دي.
تل ترتله مسافر
تېر کال،
تللې غوچې،
بيا راستونې شوې،
په مني،
وچې شوې پاڼې،
بېرته را شنې شوې،
خو،
هغه مسافر،
چې ټوپک په اوږو،
کمربند تر ملا،
او بيرغ په لاس،
له کور نه وتلي وو،
بيا راونه ګرځېدل.
تند خوځښت
کوټې سړې دي،
داليزونه تياره،
فرش يخنۍ نيولي،
او دېوالونه ساړه،
په يخنۍ وهلو،
پښو او لاسونو،
خوځو،
ورو تکانونه،
پوره تودوخه نه راکوي،
ډېر ورو،
ناڅو،
– ژوند په خطر کې دی –
- o
راشئ تند،
حرکت وکړو!
جګ او قهرمان
سپېدار،
جګ،
او
قهرمان،
ولاړ دی،
ښخوي،
خپلې،
ريښې،
خپلې،
پنجې،
تر واک لاندې کوي،
ځمکه،
کلکې سنګړې،
او
پسته خاوره،
- o
سپېدار،
جګ او قهرمان،
ولاړ دی،
سر لوړی،
مخ په آسمان.
