تاند(چهارشنبه، د جدي ۳) کورنیو چارو وزارت وايي په څلورو ولایتونو کې پنځه کسان د نشه يي توکو پر وړاندې د مبارزې منسوبینو لخوا د نشه يي توکو پلور او قاچاق په تړاو ونیول.
د کورنیو چارو وزارت لخوا په خپره شوې خبرپاڼه کې راغلي، د نشه يي توکو پر وړاندې د مبارزې منسوبینو د کابل خوست، نیمروز او پکتیکا ولایتونو اړوندو سیمو کې پنځه تنه د نشه يي توکو د پلور او قاچاق په تړاو نیولي دي.
دا په داسې حال کې ده چې په تیرو څو میاشتو کې په بیلابیلو ولایتونو او پلازمینه کابل کې د نشه يي توکو د پلور او قاچاق کې کسان نیول کیږي.
د مخدره توکي په هیواد کې په قاچاقي ډول پلورل کیږي او ډیری ځوانان ورته اړ ایستل کیږي چې له دې موادو کار واخلي.