د دایکندي د کرنې ریاست نن په یوه خبرپاڼه کې اعلان وکړ چې په دایکندي ولایت کې د بیوزلو بزګرانو لپاره د کرنې او معیشت د مرستې یوه پراخه پروژه پرانیستل شوه.
د دې ریاست په وینا پدې پروژه کې به د اوبو زیرمو، محافظوي دیوالونو او پایپایټ جوړول شامل وي.
دغه پروژه ۱۵ میلیونه ۲۵۶ زره ۵۴۹ افغانۍ لګښت لري چې د ملګرو ملتونو د خوراکي او کرنې سازمان FAO، لخوا تمویل او د آکسفام موسسې له لارې پلې کیږي.
د خبر پاڼې په وینا، د دې پروژې پلې کول به ۱۴۵۰ تنو ته د کار زمینه برابره کړي.
د یاد ریاست په وینا، دا پروژه به په څلورو ولسوالیو کې پلې شي او سلګونه جریبه ځمکه به خړوبه کړي.