تاند(چهارشنبه، د قوس ۱۲) بالاخره د افغانستان د دولت او طالبانو د سولې د خبرو پر کړنلارې موافقه دواړو خواوو په ګډه اعلان کړه.
د افغانستان د مرکچي پلاوي غړیو نادر نادري او فوزیې کوفي او د طالبانو د سیاسي دفتر ویندوی محمد نعیم پر خپلو ټویټرپاڼو لیکلي چې پر طرزالعمل (کړنلار) او مقدمې موافقه شوې ده.
د بین الافغاني مذاکراتو طرزالعمل د مقدمې په شمول نهايي شوی دی او پر اجنډا بحث پیل کیږي.
طرزالعمل مذاکرات بین الافغانی به شمول مقدمه نهايی شده است و بر اجندا بحث آغاز میگردد.
— Nader Nadery (@N_Nadery) December 2, 2020
تر دې وړاندې د طالبانو ویندوی محمد نعمیم په یو اړخیز ډول اعلان کړی و چې د پر کړنلارې دواړو خواوو موافقه کړې ده خو د دولت پلاوي دا خبره تایید نه کړه او ویې ویل چې لا هم مقدمه وضاحت ته اړتیا لری.
د بين الافغاني مذاکراتو طرز العمل د مقدمې په شمول نهايي شوی دی، او پر اجنډا کار پيل کېږي.
— Dr.M.Naeem (@IeaOffice) December 2, 2020
د افغانستان د سولې ابتدايي خبرې د سپټمبر په ۱۲ مه نېټه په دوحه کې خبرې پیل شوې وې.
پر طرزالعمل او د هغه پر مقدمې د دواړو خواوو موافقه او ګډ اعلان د سولې لور ته مهم پرمختګ ګڼل کېدای شي.
دا زموږ جنابان ټامیان او جلیل القدره ټالبان چې رسوا شي، نو بیا سره سلا شي.
متل دی: د زور اوبه په لوړه خیژي
اوس خارجیان متوجه شول چې دا بعضی بعضی جنابان له شګو هم غوړي باسي، نور یې خپلي خوښي ته نه پریږدي.