تاند (شنبه د عقرب ۱۷) ولسمشر اشرف غني د افغانستان لپاره د ملګرو ملتونو د عمومي منشي له ځانګړې استازې دیبرا لاینز سره کتلي دي.
د ملګرو ملتونو استازولۍ یا یوناما له لوري په خپره شوې خبرپاڼه کې راغلي، چې ښاغلي غني او مېرمن لاینز پرون جمعه په کابل کې لیدنه کړې ده.
They agreed that #Afghanistan needed peace & the end to any further loss of Afghan life from the conflict. Peace would enable all Afghans & the region to benefit from enhanced investment, development and shared prosperity. 2/2
— UNAMA News (@UNAMAnews) November 6, 2020
په دغه لیدنه کې دواړو لوریو د افغانستان د روان امنیتي وضعیت، سولې او دغه راز د ۲۰۲۰ م کال د جینوا کنفرانس په اړه خبرې کړې دي.
د ملګرو ملتونو د سرمنشي ځانګړې استازې په افغانستان کې د جګړې په پای ته رسېدو، سولې او د ملکي وګړو د مرګ ژوبلې پر مخنیوي ټینګار کړی دی.
دیبرا لاینز دغه راز ویلي، چې سوله ټولو افغانانو او سیمې ته دا زمینه برابروي، چې ښه، پرمختللی او پر اقتصادي سیستم ولاړ ژوند ولري.