تاند(چهارشنبه، د میزان ۳۰) امریکایي محکمې د نړۍ د سترې انټرنیټي کمپنۍ ګوګل پر وړاندې دوسیه پرانیستې ده.
د نړۍ پر دغه ستر او شتمن شرکت دا تور دی چې هڅه کوي انټرنیټ انحصار کړي او د نړۍ په ګوټ ګوټ کې انټرنیټي تبلیغات یوازې دوی وکړی شي.
دغه قضیه خورا سخته بلل شوې ده او امریکایي رسنۍ وایي چې دا به ګوګل شرکت زیانمن کړي.
د معلوماتو له مخې امریکا به ګوګل کمپنۍ ته دا اجازه ور نه کړي چې تر دې لا ډېر پرمختللي وسایل وکاروي او تبلیغات انحصار کړي.
امریکایي محکمې ویلي چې د ګوګل د رقابت بڼه غیر عادلانه ده او غواړي ټولې انټرنیټي کمپنۍ ماتې کړي.