تاند ( چهارشنبه، د میزان ۱۶) د افغانستان کرکټ بورډ د ننګرهار د بهسودو د کرکټ لوبغالی د نجیب ترکي په نوم ونوموه.
د کرکټ بورډ دخبرپاڼې له مخې د افغانستان کرکټ بورډ د مشرتابه د پرېکړې پر بنسټ، دا چې نوموړی د ټولو هېوادوالو لپاره د یوه اتل مقام لري او همېشه یې د خپل هېواد بیرغ ځلولی؛ د ننګرهار د بهسودو کرکټ لوبغالی د هغه په نوم ونومول شو.
د افغانستان د کرکټ د ملي لوبډلې پیاوړی او تکړه توپوهونکی نجیب الله ترکی څو ورځې وړاندې په یوه ترافیکي پېښه کې ټپي شو،چې پرون سه شنبه یې د ننګرهار ولایت په روغتون کې د سختو ټپونو له امله ساه ورکړه.
د ترکي مړینې په هېواد دننه او د باندې د کرکټ مینه وال خواشینې کړل.
د کرکټ مینه والو هم تیره ورځ په ټولنیزو شبکو له کرکټ بورډ نه د ورته پرېکړې غوښتنه کړې وه.