تاند (چهارشنبه د میزان ۹) اذربایجان وايي، ارمنستاني ځواکونو څو ځله د دوی پر خاوره توغندویي بریدونه کړي دي خو په وینا یې تلفات نه لري.
د ترکي رسنیو د راپورونو له مخې د اذربایجان د دفاع وزارت ادعا کړې، چې د دوی او ارمنستان ترمنځ جنجالي سیمه نګورنو قرهباغ کې د جګړې له پیله تر دې دمه ۲۳۰۰ ارمنستاني عسکرو ته مرګ ژوبله اوښتې ده.
په راپور کې راغلي، په دې نښته کې یې تر اوسه د مقابل لوري سپکې او درنې وسلې هم له منځه وړي دي.
سرچینې د اذربایجان د دفاع وزارت په حواله ویلي، د ارمنستان ځواکونو څو ځلې د دوی پر خاوره توغندیز بریدونه کړي خو وايي تلفات نه لري.
بلخوا ارمنستان ویلي، چې د جګړې پر مهال یې په نګورنو قرهباغ کې د ترکیې یوه جیټ الوتکه رانسکوره کړې ده.
ترکیې د اوس لپاره د ارمنستان دا ادعا رد کړې ده.
دا په داسې حال کې ده چې د ارمنستان او اذربایجان ترمنځ په جنجالي سیمه نګورنو قرهباغ کې له تېرو څو ورځو راهیسي نښتې روانې دي، چې د ارمنستاني سرتېرو سربېره پکې لسګونو ملکي وګړو ته هم مرګژوبله اوښتې ده.
په راپور کې راغلي، په دې نښته کې یې تر اوسه د مقابل لوري سپکې او درنې وسلې هم له منځه وړي دي.