يوه محصل کيسه وکړه، په يوګوسلاويا کې دود و چې محصلين به په بهر کې د تحصيل له فراغت وروسته د هغه هېواد د وخت رهبر ته وړل کېدل او رهبر به دوی ته وينا کوله. د همدې دود له مخې يې موږ هم د مارشال تيتو ليدو ته ور وستو. مارشال تيتو د خپلې وينا تر څنګ د انقلاب د زمانې يوه خاطره هم راته واوروله.
تيتو په هغې وينا کې وويل:
د انقلاب له بريا او د (کي جي بي) له لوري د دولت له جوړولو څو کاله وروسته خبر راکړل شو چې ستاسې په کابينه کې د امريکا د استخباراتو (سي ای اې) يو جاسوس دی، نوموړی پيدا او ويې نيسئ.
تيتو زياته کړه:
ټول ټليفونونه، مکتوبونه او د کابينې د غړو چلند مو تر کنټرول لاندې کړ او له يو څه زمانې وروسته پرېشانه شوو ځکه چې د جاسوس هېڅ نښه مو ونه مونده (دا چې تيتو له روسيې خپلواکي اخيستې وه له همدې کبله يې نه غوښتل دغه جاسوس د روسانو له لوري وپېژندل شي).
نوموړي له يوې مودې پلټنې وروسته په کابينه کې په عاجزانه او ناهيلي ډول له روسيې څخه د نوموړي جاسوس د موندنې مرسته غوښته.
له (کا جي بي) خبر ورکړل شو چې په کابينه کې دې خپل مرستيال د امريکا جاسوس دی. تيتو په دې خبر سره حيرانېږي او د کابينې د يوې جلسې په پای کې له خپل مرستيال غواړي پاتې شي.
تيتو وويل:
په يوه دوه کسيزه جلسه کې مې د خپل مرستيال په سر تمانچه ور کېښوده، ترې ومې پوښتل:
ایا تاسې د (سي ای اې) جاسوس ياست؟
نوموړی چې متوجه شو خبره افشاء شوې ده په خپله جاسوسۍ يې اعتراف وکړ.
تيتو ترې وپوښتل: له څه وخت راهيسې له سي ای اې سره همکاري کوې؟
مرستيال وويل: د انقلاب له بريا مخکې د چريکې جګړو پر مهال هغه وخت چې د تحصيلاتو دوره مې وه.
تيتو: نو په دې زمانه کې خو په ټول امنيتي کنټرول سره ستاسې هېڅ اړيکه هم له سي ای اې سره کشف نشوه؟
مرستيال: اوس هم له سي ای اې سره هېڅ اړېکه نلرم.
تيتو: نو څنګه غړی يې ياست چې اړيکه هم نلرئ؟
مرستيال: سي ای اې ماته دنده راکړې زه مې يوازې خپله دنده مخکې وړم.
تيتو: نو ستاسې مسوليت څه دی؟
مرستيال: دنده راته سپارل شوې چې پوستونه غير تخصصي کسانو ته وسپارم او تر اوسه مې همدا دنده مخکې وړې ده.
تيتو وویل: د کابينې غړو او لوړو مديرانو ته مې پام شو چې همداسې دي. هېڅوک پر خپل ځای نه دی، د بېلګې په توګه هغه وزير چې په کرنه کې دوکتورا لري خو د اوبو او انرژي وزير دی، يو بل برېښنا ويلې خو د ښار جوړولو وزير دی، يو کس خپله دوکتورا په پيسو اخيستې او اوس د سوداګرۍ وزير دی يا هم يو بل تن چې هېڅ اقتصادي زده کړې نلري خو د اقتصاد وزير دی.
مرستيال او جاسوس تيتو ته وايي:
د سي ای اې تحليل دا و او دی چې په دې طريقې سره به د تيتو انقلاب په يوګوسلاويا کې له کومې کودتا او بهرنۍ حملې پرته په خپله د ننه له منځه لاړ شي.
ډیره زیاته په زړه پورې کیسه او د سبک نه ډکه !
یانې نن سبا دا جاسوسان بې شمیره دي، زما په اند چې زمونږ هیواد د دننه نه تباه دی.