له روژې راهیسې پنځه میاشتې تېرې شویدي . پدې پنځو میاشتو کې د تروریستي ډلو په مقابل کې چې له موټرسایکل نه کار اخیستل شوی ، د افغانستان د امنیتي قواوو له خوا هېڅ قانوني او سم اقدام ندی شوی .
په نورو هېوادونو کې که په یو سرک کې موټر ټکر کوي او یا کوم انسان وهي . پولیس هغه منطقه له هره لحاظه بررسي کوي چې ولې دلته حادثه شوېده. آیا ګولایی ده ، مقابل لوری سم نه معلومیږي ؟ د موټرو زیات سرعت د دې سبب شویدی او که کومه تصادفي حادثه وه ؟ له هغه وروسته لازم تدابیر نیسي . اما په افغانستان کې هره ورځ خلک وژل کیږي ، دښمن بیا بیا هغه شوم او غیر اسلامي عمل تکراروي خو امنیتي قواوې هېڅ تدابیر نه نیسي.