تاند (پنجشنبه د میزان ۳) د ولسمشر اشرف غني د تازه حکم پر اساس مولوي رحمت الله اندړ د ملي امنیت شورا د نوي ویاند په توګه وټاکل شو.
مولوي رحمت الله اندړدوه ماسټریانې لري، چې یوه یې په دیني علومو او عربي ژبه کې کړې ده او بله د ښوونې او روزنې په مدیریت کې لري.
نوموړی په پښتو، عربي، دری او انګلیسي ژبو باندې خبرې کولی شي.
ښاغلی اندړ د ښوونکي او استادۍ تجربه هم لري او تر دې وړاندې د اطلاعاتو او فرهنګ وزارت فرهنګي سلاکار او بیا د ملي امنیت شورا په دفتر کې د علماوو او دیني چارو د رییس او سلاکار په توګه دندې تر سره کړي دي.