تاند(سه شنبه، د سنبلې ۲۵) په ننګرهار ولایت کې د لبنیاتو د لا ښه بازار لپاره نن د کوچیانو لپاره نندارتون پرانیستل شو.
د یاد نندارتون یوه مسوله زبیده پوپل وایي، هدف یې له دې نندارتون څخه خلکو ته د کوچیاني ژوند او د څارویو د ترلاسه شویو محصولاتو ښودل دي.
هغه وایي، په دغه نندارتون کې کوچ، پنیر، شړومبې او ګڼ نور محصولات نندارې ته اېښودل شوي وو
نوموړې د دا ډول نندارتونو جوړېدل ګتور بولي او وایي، هڅې یې پيل کړې چې د کرنې او مالدارۍ ریاست په مرسته د دا شان نندرتونو لړۍ لرې پرتو ولسوالیو ته وغځوي.
د یاد نندارتون یوه ګډونواله فیضه بیا له حکومت غوښتنه کوي، چې د کوچیانو د لبنیاتو لپاره دې د مناسب بازار په لته کې شي.
په همدې حال کې ننګرهار کې د کوچینانو مشر نیک محمد د کوچیانو لپاره د لازمو اسانتیاوو د برابرېدو غوښتنه کوي او وایي، که حکومت د کوچیانو د څارویو لپاره د مناسبو څړ ځایونو جوړېدو په لټه کې نشي، نو اندښنه شته چې د وخت په تېرېدو به د دوی د ژوند پر وړاندې ګواښونه لا ډېر شي.
نوموړي ویلې، چې د کوچیانو اوس مهال د هېواد په بېلابېلو برخو کې زرګونه جریبه ځمکې غصب شوي او هم یې دڅارویو څړځایونه ورځ تر بلې مخ په کمیدو، چې له امله یې د دوی مالداري هم کم رنګه شوې ده.
دوی ټینګار کوي که حکومت ورته لازمې اسانتیاوې برابرې کړي نو تر ډیره به یې د څارویو حاصلات د هیواد په اقتصادي پیاوړتیا کې هم مهم رول ولري.
دا څه رقم نندارتون دی چې یو عکس یې هم تاسو نه دی خپور کړی. 🙁