تاند، دوشنبه د سنبلې ۲۴مه: ولسمشر غني وايي د غزني ولسونه دې ولسوالۍ په ولسوالۍ د ډاډمن امنیت په موخه سره یو ځای او منسجم شي.
د ارګ په یوه خبرپاڼه کې راغلي ولسمشر غني نن غرمه د غزني له یو شمېر مشرانو سره په چهار چنار ماڼۍ کې وکتل.
نوموړي په دې لیدنه کې ویلي، د غزني بندونه به جوړ شي او زیاته کړې یې ده چې په غزني کې د درې موجوده فاجعو څخه یې دوه هغه یې د دفع کول په حال کې دي.
هغه زیاته کړې غیرمتوازن پرمختګ د ولایتونو په درجو نه جبرانېږي نو د دې لپاره باید نوي معیارونه وټاکل شي.
ښاغلي غني د خپلو خبرو پر دوام ویلي، د غزني ولسونه دې د وحدت د لا تامین لپاره په خپلو کې عادلانه پایلو ته ورسېږي، څو حکومت ورته په نږدې راتلونکي کې د ولسي جرګې د ټاکنو زمینه برابره کړي.
غزني یواځینی ولایت دی چې د ولسي جرګې تېرې ټاکنې پکې ددغه ولایت د اوسېدونکو له خوا د رامنځته شویو اختلافاتو له امله تر اوسه ځنډېدلي، خو دا چې څه وخت به تر سره شي په اړه یې دقیق معلومات نشته.
نوموړي په دې لیدنه کې ویلي، د غزني بندونه به جوړ شي او زیاته کړې یې ده چې په غزني کې د درې موجوده فاجعو څخه یې دوه هغه یې د دفع کول په حال کې دي.