تاند ( شنبه، د سنبلې ۱۵) وسله والو طالبانو د هرات پر غوریان ولسوالۍ ډله ییز وسله وال برید کړی دی.
د غوریان ولسوالۍ اوسېدونکي وايي، لسګونه وسله وال د ولسوالۍ بازار ته دننه شوي او پر امنیتي ځواکونو ډزې کوي.
بل لورته بیا د غوریان ولسوال فرهاد خادمي وایي، امنیتي ځواکونو د طالبانو برید په شاه تمبولی او په خبره یې په نښته کې افغان ځواکونو ته کوم زیان نه دی.
خادمي وایي لومړني جزیات دا دي، چې په ځوابیه برید کې ۵ طالبان وژل شوي او ځینې نور ټپیان دي.
خو د هرات امنیه قومندانۍ ویاند عبدالاحد ولي زاده بیا وایي، چې مرستندویه ځواکونه سیمې ته رسېدلي خو زیاتوي، چې د تلفاتو په اړه جزیات په لاس کې نه لري.
بل لورته وسله والو طالبانو تراوسه په دې اړه رسنیو ته څه نه دي ویلي.