ږتاند ( پنج شنبه، د سنبلې ۱۳) افغان ولسمشر محمد اشرف غني نن سهار د یو پلاوي په مشرۍ پروان ولایت په سفر لاړ.
نوموړي هلته یو خبري کنفرانس پرمهال وویل، چې په راتلونکې اونۍ کې به په ټول هېواد کې د وروستیو طبیعي پېښو ابعاد وڅېړل شي.
غني په خپل دې سفر کې د پروان له خلکو سره ژمنه وکړه، چې ټولو غوښتنو ته به یې رسېدنه وشي او زیاته یې کړه، چې د پروان کانال به هم ژر جوړ کړي.
هغه ویلي، چې حکومت هڅه کوي، څو د دغه ولایت اوبه په ښه ډول مدیریت کړي.
ولسمشرغني داسې مهال پروان ته په سفرځي، چې په هېواد کې د وروستیو اورښتونو په پایله کې د سختو سېلابونه راوتو له امله د هېواد په ګڼو ولایتونو کې عامو خلکو ته مالي او ځاني زیانونه واوښتل.
د معلوماتو له مخې د هېواد په ۱۵ ولایتونو کې یې د ۱۹۰ تنو ژوند واخیست او ۱۷۲ نور یې ژوبل کړل.
https://taand.net/%d9%be%d8%b1%d9%88%d8%a7%d9%86-%da%a9%db%90-%d8%af-%d8%b3%db%90%d9%84%d8%a7%d8%a8%d9%88%d9%86%d9%88-%d9%84%d9%87-%da%a9%d8%a8%d9%84%d9%87-%db%b1%db%b1%db%b0-%d8%aa%d9%86%d9%87-%d9%85%da%93%d9%87/
په ورته مهال بیړنیو پېښو ته د رسېدو په چارو کې د دولت وزارت وایي، راغلو سېلابونو هېوادوالو ته درانه مالي او ځاني زیانونه اړولي دي او دوی هڅه کوي څو دوی ته لومړنۍ اسانتیاوې برابر کړي.