تاند(پنج شنبه، د سنبلې ۱۳) پاکستان ویلي افغان سیاسیون باید د سولې لپاره له رامنځ ته شوي فرصت ګټه پورته کړي.
د پاکستان د بهرنیو چارو وزیر شاه محمود قریشي د افغانستان د بهرنیو چارو له سرپرست وزیر سره پر دوه اړخیزو اړیکو او د سولې پر تړاو خبرې کړې دي.
قریشي ویلي افغان سیاسیونو ته په کار ده چې د سولې لپاره له رامنځ ته شوي فرصت ګټه پورته کړي او د یوه پراخ تفاهم د رامنځ ته کولو لپاره کار وکړي.
پاکستان یو ځل بیا ټینګار کړی چې د افغانستان د سولې له پروسې سره همکاري کوي او هڅه یې دا ده چې ددواړو لورو ترمنځ اړیکې پراخې شي.
حنیف اتمر هم ویلي چې افغان حکومت سولې ته ژمن دی او په دې برخه کې د سیمې د هېوادونو همکاري هم مهمه بولي.
دا په داسې حال کې ده چې تیره اونۍ هم شاه محمود قریشي او حنیف اتمر د افغان سولې پر تړاو خبرې کړې وي او پاکستان ژمنه کړې وه چې په افغان سوله کې ریښتینې همکاري کوي.
خو افغان بل لور ته افغان سیاسینو هر وخت د پاکستان په نیت شک څرګند کړی او ویلې یې دي چې پاکستان هیڅکله له افغانستان سره ریښتینې همکاري نه کوي.