تاند ( پنج شنبه، د سنبلې ۱۳) د ننګرهار ولایت په پچیراګام ولسوالۍ کې افغان سولې د روانو خبرو په ملاتړ د کرکټ ۱۲ اوره سیالۍ پیلیږي.
د یادې ولسوالۍ د کرکټ بورډ مسؤل خلیل انځور وایي، چې په دې سیالیو کې ۲۴ لوبډلې د یو بل پر وړاندې لوبې ترسره کړي.
دا سیالۍ نن د بام خېلو تورغر او بام خېلو شمشاد لوبډلې په لوبې سره پيل شوې.
مسولانو زیاته کړه، چې له دې لوبو څخه یې موخه د سولې له روانو خبرو څخه ملاتړ دی.
په دې سیالیو کې نندارچیانو د بال د کېچ د ترلاسه کولو په بدل کې قلم او کتابچې ډالۍ ورکول کیږي څو د لوبو ترڅنګ ځوانان زده کړو ته هم وهڅول شي.