تاند(پنج شنبه، د سنبلې ۶) د ایران د بهرنیو چارو وزارت وایي، سرې میاشتې ته یې دنده سپارلې چې د پروان ولایت له سېلاب ځپلو سره مرستې وکړي.
د ایران د بهرنیو چارو وزارت زیاته کړې، چې په کابل کې یې خپل سفارت او سرې میاشتې ته دنده سپارلې چې د پروان ولایت له سېلاب ځپلو سره مرسته وکړي.
په کابل کې د ایران سفارت هم په یوه خبرپاڼه کې د پروان ولایت پر پېښه خواشیني ښودلې او ویلي یې دي، ډېر ژر به د پروان ولایت سېلاب ځپلو ته د دوی مرستې ور ورسېږي.
بل خوا ولسمشرغني هم اړوندو ادارو ته امر کړی چې د سېلاب ځپلو سره ژر تر ژره مرستې وکړي.
دا په داسې حال کې ده چې پروان ولایت کې د ورستیو اورښتونو له کبله سخت سېلابونه راغلل چې په سلګونو کسانو ته یې مرګژوبله واړوله او له ګڼو مالي ستونزو سره یې مخ کړل.