تاند ( دوشنبه، د سنبلې ۳) د افغانستان د کورنیو چارو وزارت د کابل ښارلپاره نوی امنیه قومندان ټاکلی دی.

د یاد وزارت ویاند طارق آرین وایي، چې پاسوال جمعه ګل همت تازه د کابل ولایت لپاره د امنیه قومندان په توګه ټاکل شوی دی.

د یادونې ده، چې د کابل ښارپخوانی امنیه قومندان وړمه ورځ د کم کارۍ او په کابل ښارکې د نا امنیو د ډېرېدو په تړاو له دندې ګوښه کړل شو.

کابل ښاریان بیا د نوي امنیه قومندان په راتګ سره له ده غواړي، چې روان وضعیت کابو او د خلکو اندېښنې لرې کړي.

دا په داسې حال کې ده، چې نیویارک ټایمز ورځپاڼې ویلي، چې  د سولې د خبرو له ځنډ سره سم وسله والو طالبانو په کابل ښار او ولایتونوکې خپل بریدونه او هدفي وژنې ډیرې کړي دي.

https://taand.net/%d8%b7%d8%a7%d9%84%d8%a8%d8%a7%d9%86%d9%88-%d8%af-%d8%b3%d9%88%d9%84%db%90-%d8%ae%d8%a8%d8%b1%d9%88-%d9%84%d9%87-%da%81%d9%86%da%89%d9%87-%d9%be%d9%87-%da%ab%d9%bc%db%90-%d8%a7%d8%ae%db%8c%d8%b3%d8%aa/