زه خو وایم:
اوسنی حالات خو د ډاکټر صاحب نجیب الله د واکمنۍ د مهال لوري ته روان دي.
راځئ .چې سره پرتله يې کړو:
هلته هم مجاهدین په هیڅ څه شي نه راضي کیدل، بې له دې چې حکومت ځان ته تسلیم کړي.
اوس د طالبانو پالیسی هم همدا ده.
هلته هم د سولې پروسه د ملګرو ملتونو له خوا وروستي پړاو ته رسیدلې وه.
اوس هم د سولې پروسه د امریکا د متحده ایالاتو او د ملګرو ملتونو د امنیت شورا سره په همغږۍ کې وروستي پړاو ته نیږدې ده.
هلته هم د سولې خبرو سره یو ځای په ډیر شدت جګړه روانه وه.
اوس هم د سولې خبرې او شدیده جګړه ور سره یو ځای روانه ده.
هلته هم مجاهدینو اوربند نه کاوه.
اوس هم طالبان اور بند نه مني.
هلته هم پاکستان د همکارۍ ډاډ ورکاوه او د دې له پاره يې د ژنیو تړون لاس لیک کړ،
اوس هم پاکستان د همکارۍ ډاډ ورکوي او د امریکایانو او طالبانو تر منځ تړون هم د دوی په خوښه لاسلیک شو.
هلته هم قیمتی بشپړ اوج ته رسیدلي وه.
اوس هم د قیمتۍ همغه حال دی.
هلته هم بیکاري وه،
اوس هم له هغې بد تر حالات دی.
هلته هم ببرک کارمل پروسه رهبری کوله.
اوس هم د ببرک په څیر يې یو بل څوک رهبری کوي، او د ببرک په څیر د مشرۍ خوبونه ګوري.
هلته يې هم اردو ډیره کمزورې کړه.
هلته هم ټولو خلکو د سولې په پروسه باور نه درلود.
اوس هم له هغه حالت سره هیڅ تفاوت نشته.
هلته هم د مجاهدینو ویاندویان په کابل کې فعال وه.
اوس هم د طالبانو ویاندویان د مطبوعاتو د ازادۍ په نامه ښه فعال دي.
هلته هم د ډاکټر صاحب نجیب الله شاوخوا د ده ضد کسانو نیولي وه.
هلته هم روسانو د نظام د کمزورۍ له پاره کار کاوه.
اوس هم امریکایان همغه کار کوي.
هلته هم د واک له پاره د روسانو کاندید شمالي ټلوالی وه.
اوس هم د واک له پاره د امریکایانو کاندید طالبان دي.
هلته هم د نظام پلویانو واک مجاهدینو ته تسلیم کړ. لکه عظیمي، علومي، وکیل، کاویاني، یارمحمد، مزدک، بریالی، مومن، نور او په راس کې کارمل.
اوس هم د مسکو او قطر غونډې په همغه شکل روانې وي او په سر کې رهبری هم د یو چا په لاس کې وه او د ټاکنو له مهاله معلومیږي چې په نظام کې همداسې کړۍ موجودي دي.
نه ملت پوهېږي څه روان دي نه حکومت پوهېږي چې څه به کيږي.
پایله:
که ملت یو نه شي او د نظام تر څنګ د زړه له تله ونه دریږي او حکومت هم خپلو کړنو ته پاملرنه ونه کړي او په هغه کسانو چې په رښتیا د نظام پلویان وي او د پوره تجربې خاوندان وي باور ونه کړي فکر کوم چې د دښمن پلانونه به ډیر په اسانه تکمیل شي او هیواد به مو يوې بلې نا پایه جګړې په لور لاړ شي.
قوت د ملت په يووالي کې دی.
(( بریالیتوب په یووالي کې دی ))