تاند(جمعه، د سنبلې ۱) متحده ایالاتو د سوریې پر یو شمیر لوړ پوړو چارواکو او د پوځي واحدونو پر قوماندانانو بندیزونه لګولي دي.
دغه اقدام په داسې وخت کې کیږي چې واشنګټن په سوریه کې د بشارالاسد حکومت د مرستو د بندولو هڅې پیل کړي دي.
د خزانې وزارت یوه اعلامیه چې پرون یې خپره کړه وویل چې د ولسمشر اسد ویاند، لونا الشبل او په سوریه کې د بعث ګوند مشهور غړي، محمد عمار ساعاتي بن محمد باندې بندیزونه لګول شوي دي.
په عین حال کې، د بهرنیو چارو وزیر مایک پمپیو په یوه بیان کې وویل چې متحده ایالات او د هغې متحدین به د سوریې پر ولسمشر بشارالاسد او د هغه په پلویانو خپلو فشارونو ته دوام ورکړي تر څو چې سیاسي بحران حل نه شي.