نن ماښام د دوبۍ خلیفه برج د اسد د ۲۸ د افغانستان د خپلواکۍ د بیرته ګټلو د ۱۰۱مې کلیزې په مناسبت د افغانستان ملي بیرغ په رنګ سینګاریږي.
دا برج په نړۍ کې تر ټولو لوړه ودانۍ ده.
په متحده عربي اماراتو کې د افغانستان د سفارت کلتوري رییس صدیق امرخیل په دې اړه رسنیو ته وویل چې نن شپه به د دوبۍ برج خلیفه، چې د نړۍ تر ټولو لوړ او ښکلی برج دی، د افغانستان په درې رنګه بیرغ سره به سینګار شي.
تېر کال هم د افغانستان د خپلواکۍ د بېرته ګټلو د سلمې کالیزې په ویاړ دا برج د افغانستان د بیرغ په درو رنګونو سینګار شوی و.
هیره دې نه وي چې د افغانستان د خپلواکۍ بیرته ګټلو کلیزه هر کال د ځانګړو مراسمو په ترسره کولو لمانځل کیږي.
د روسیې او ترکیې د ولسمشرانو په ګډون د نړۍ یو شمیر نورو مشرانو افغانستان ته د خپلواکۍ د ورځې مبارکې رالیږلې ده..