تاند ( یک شنبه، د اسد ۲۶) د افغانستان د کانونواو پټرولیم وزارت مسؤلان وایي، چې په جوزجان ولایت کې یې د طبیعي ګازو د دویمې څاه د کیندنې چارې پيل کړې.
زیاد وزارت په یوه خبرپاڼه کې زیاتوي، چې یاده څاه د دې وزارت په مدیریت او بودیجې کیندل کیږي.
د جوزجان په یتیم تاق سیمه کې د لومړۍ څاه ترڅنګ، چې څو میاشتې وړاندې کیندل شوي دویمه څاه هم په بریالیتوب سره وکیندل شوه.
د چارواکو په وینا، یادې څاه ګانې په ۲۴ ساعتونو کې د ۳۰۰ زره مترمکعب ګازو تولید وړتیا لري.
جوزجان د طبیعي ګاز ډېرې زېرمې لري او د اقتصادي چارو د پوهانو په وینا که حکومت ورته پاملرنه وکړي نو ښايي ژر له نورو هېوادونو د ګازو د واردولو مخنیوی وشي.
د افغانستان د کانونو او پټرولیم وزارت څه موده وړاندې په خپله فېسبوک پاڼه د یادو څاګانو په تړاو لیکلي وو، چې دا په افغانستان کې لومړی ځل دی، چې د ۴۰ میګاواټه په اندازه له طبیعي ګازو برېښنا تولیدیږي.