تاند- د سمارت فون، سمارت تلویزیون او سمارت کمپیوټر مو اورېدلي و خو د سمارت بوټونو به مو تراوسه لا نه و اورېدلي.
دا سمارټ بوټونه، چې پرمختللي سینسورونه او مایکرو الیکترونیکونه لري، د ځغاستې په وخت پښو ته د زیان اوښتو مخه نیسي.
دا بوټونه تر ټولو زیات په سوکه منډه کې پکارېږي.
ورو ځغاسته ستریس کموي او د زړه د رګونو د بندېدو له مخنیوي سره مرسته کوي او د دې تر څنګ عضلې پیاوړې کوي.
خو ځیني وخت سوکه منډه مفصلونو ته زیان اړوي او د پښې د بېډۍ د اوښتو سبب کېږي. سمارټ بوټونه د دې ډول صدمو مخه نیسي او پر دې سربېره د ورزشکارانو د تمرین د څرنګوالي جاج اخلي.
دا بوټونه د ځغاستونکي د منډې سرعت پر له له پسې تنظیموي او که ځغاستونکي ناسم ګامونه اخیستل، پر ملا یې اضافي فشار راولي او په دې توګه یې خبروي چې سمې منډې ووهي.
د دې پروژې مسوولانو ویلي چې دا ډول بوټونه به د ۲۰۱۵ کال په پیل کې بازار ته راوباسي.
(سمارټ یعني په لمس او حس کېدو کار کوونکي)