تاند (چهارشنبه، د اسد ۲۲) د فراه ولایت سیمه ییز چارواکي وايي د دغه ولایت امنیته قومندانۍ ته نږدې نن مازدیګر مهال بمي چاودنه شوې چې پولیسو او ملکي وګړو ته پکې مرګژوبله اوښتې ده.
د ولایتي شورا غړی داد الله قانع وایې چاودنه د امنیت د آمر مرستیال حاجي قادر خان پر موټر شوې ده، خو نوموړي ته پکې زیان نه دی اوښتی.
د کورنیو چارو وزارت ویاند طارق آرین وايي، په دغه پېښه کې ۴ پولیس وژل شوي او ۲۲ ملکي وګړي پکې ټپيان شوي دي.
تر اوسه کوم چا یا وسله والې ډلې د دغه برید مسؤلیت نه دی منلی.