تاند- په متحدو ایالتونو کې د لومړي ځل لپاره د لمر په انرژۍ چلېدونکې الوتکه په ټوله امریکا راوګرځېده او په نیویارک کې د جان ایف کینډي په هوايي ډګر کې کښېناسته.
د لمر په انرژۍ دا الوتکه پرون د سهار په پنځه بجې په واشنګټن کې د ډلاس له نړیوال هوايي ډګره د نیویارک په لور والوته او په یوولس بجې د دغه ښار په جان ایف کینډي هوايي ډګر کې کښېناسته.
ویل شوي چې د الوتکې په کیڼ وزر کې د توقع خلاف یو درز ولیدل شو او له دې کبله پېلوټ مجبوره شو چې تر ټاکلي وخت درې ساعته مخکې پر مځکه کښېني.
خو مسوول چارواکي وايي چې د دې مسلې په وجه نه پېلوټ او نه هم الوتکې ته خطر پېښ شو.
دا الوتکه، چې د ۱۱ زره لمریزو بېټریو په وسیله انرژي اخلي، ۳۰ زره فوټه لوړ الوت کوي.