تاند- امریکايي او بریتانیايي څېړونکي وايي، خلک باید سهارنۍ حتماً وخوري ځکه چې سهارۍ د زړه لپاره ډېره ګټوره ده.
د امریکايي څېړونکو له څېړنې سره سم، چې په ۲۷ زره نارینه وو باندې یې کړې ده، هغه کسان چې سهارنۍ نه خوري د زړه په ناروغیو د اخته کېدا زیات چانس لري.
د هاوارډ پوهنتون د عامې روغتیا د پوهنځي د څېړونکو ډلې وویل، سهار مهال د ناشتا نه کول د انسان پر بدن اضافي فشار راولي.
په همدې حال کې د بریتانیا د زړه د ناروغیو مرکز (هارټ فونډېشن) ویلي هغه کسان چې سبناری کوي تر هغو کسانو چې نه یې کوي د شکر یا قند د ناروغۍ په وړاندې زیات مقاومت لري.
د بریتانیا په دغه مرکز کې دا څېړنه د ۱۶ کلونو په مخه د ۴۵ او ۸۲ کلونو ترمنځ کسانو باندې شوې ده. په دې موده کې د زړه یو نیم زر حملې ثبت شوي چې ګڼو کسانو یې په نتیجه کې ساه ورکړې ده.
یوې څېړونکې ډاکترې لیه چیل د بي بي سي نړیوال سرویس ته وویل:«زما پیغام خلکو ته دا دی چې له خوبه له راوېښېدو وروسته خامخا یو څه وخورئ، غوره بولم چې له ویښېدو وروسته په نیم ساعت کې دا کار وکړئ.»