تاند- ښايي په نړۍ کې نن سبا داسي کسان ډېر لږ وي چې د انترنټ نوم یې نه وي اورېدلی خو دا په داسي حال کې ده چې شاوخوا پنځه ملیارده انسانان له انترنټه محروم دي.
هغوی چې انترنټ کارولی شي د دې شمېر په پرتله خورا لږ دي.
ایا دا امکان شته چې یوه ورځ ټول انسانان انترنټي خدمات ولري؟
په وروستیو کلونو کې یوه نهه ویشت کلن امریکايي ځوان زوکربرګ د فېسبوک د ټولنیزې شبکې په جوړولو په نړۍ کې د انسانانو ترمنځ د اړیکو د ټینګولو او د نظرونو د تبادله کولو انقلابي ګام واخیست. دغه ځوان په خپله فیسبوک پاڼه کې لیکلي چې د سمسونګ الیکترونیکس ، نوکیا، کوالکوم او نورو شرکتونو په همکارۍ به د مځکې د کرې د اوسېدونکو لپاره د انترنټ شبکه برابره کړي.
په دې ډول به د ټولې نړۍ پنځه یا شپږ ملیارده انسانان وړیا انترنټ ولري.
مارک زوکر برګ د خپلې فیسبوک پاڼې په ټایم لاین کې لیکلي دي:«څه چې فیسبوک نړیوالو ته ورکړل، د اړیکو قدرت دی. په پرمختیايي هیوادونو کې له معلوماتي اقتصاد سره د یوځای کېدو او وصل کېدو په وړاندې غټ خنډونه شته. د انترنټ ټکی اورګ (internet.org) پروژه به پر ټولو ستونزو لاسبرې شي او انټرنټ به هغو کسانو ته مهیا کړي چې حاضردمه ورڅخه د کار اخیستلو وس نه لري.»
په دې ډول که د انټرنټ ټکی اورګ پروژه، چې اریکسن، میډیا ټیک، اوپرا او نور یې ملاتړ کوي، بریالۍ شي، د نړۍ ټولو انسانانو ته د انترنټ د نړیوالې شبکې اسانتیا برابرېږي او د ایران، شمالي کوریا په شان استبدادي رژیمونه به له خپلو اتباعو څخه د ارتباطاتو حق ونه تروړلی شي او د افغانستان خلک به هم نور مجبوره نه وي چې له انترنټ څخه د کار اخیستلو لپاره د لږ او بد کیفیت په انترنټ ډېرې پیسې ورکړي.
دایی لابله موژ ایله اوس انترنت ته. لاس رسی پیدا کری هغه هم بی کیفیته اوضعیف 2جی .په لور قیمت